Mke wa mcheza filamu maarufu ya 'Tarzan' Ron Ely, ilioigizwa miaka ya 60 amechomwa kisu hadi kufariki na mtoto wao wa kiume nyumbani kwao California Jumanne jioni, Polisi wanasema.

Maafisa walioitwa katika nyumba hiyo ilio kwenye mtaa wa kifahari wa Santa Barbara walimpata Valerie Lundeen Ely, mwenye umri wa miaka 62, akiwa amefariki huku akiwa ana "majeraha kadhaa ya kuchomwa na kisu".

Maafisa wanasema polisi walimzingira Cameron Ely mwenye umri wa miaka 30 nje ya makaazi yao, na kumpiga risasi hadi kufa kutokana na kumchukulia kuwa tishio.

Hapakuwa na taarifa ya iwapo muigizaji mkongwe Ely mwenye umri wa miaka 81 alijeruhiwa wakati wa shambulio hilo.

Lakini hapo awali ofisi ya mkuu wa polisi ilieleza kuwa mwanamume mtu mzima mlemavu aliyekuwepo ndani ya nyumba hiyo amepelekwa hospitalini kufanyiwa ukaguzi.

Taarifa ya hivi punde ya idara hiyo ya polisi Santa Barbara imesema: "Maafisa waliipekuwa nyumba na maeneo ya karibu kumtafuta Cameron Ely.

"Wakati wa upekuzi huo, mtuhumiwa alipatikana nje ya nyumba.

"Alikuwa tishio maafisa wannne walimfyetulia silaha mshukiwa na kumuua."