Aliyekuwa mgombea ubunge jimbo la Vunjo Mkoani Kilimanjaro kupitia chama cha Mapinduzi CCM kwenye uchaguzi Mkuu wa mwaka 2015, Innocent Melleck amenusurika kifo mara baada ya kushambuliwa vibaya kwa mapanga na watu wanaodhaniwa ni wahalifu akiwa nyumbani kwake Goba jijini Dar es Salaam.

Melleck kwa sasa anapatiwa matibabu jijini Dar es Salaam na Polisi imesema kuwa wanaendelea na uchunguzi wa tukio hilo ambapo wahalifu hao mbali na kumjeruhi vibaya kichwani pia waliiba vitu kadhaa kwenye gari lake pamoja na fedha ambazo hazijafahamika.