Meneja wa Staa wa muziki nchini Tanzania Diamondplatnumz Sallam_SK Mendezi amethibitisha kuwa amekutwa na virusi vya Corona na sasa yupo chini ya uangalizi na amesema afya yake inaendelea vizuri.

Katika taarifa yake aliyoitoa Leo Machi 19, 2020 kupita mtandao wake wa instagram Mendezi ameishukuru sana Serikali kwa huduma nzuri anayopatiwa, na amewasihi Watanzania kufuata ushauri wa wizara ya Afya nchini.

"Napenda kuwajulisha na kuwatoa hofu ndugu, jamaa na marafiki kuwa nimepata majibu ya vipimo na nimeonekana nikiwa na Corona Virus, kwa sasa nipo chini ya uwangalizi mzuri na afya yangu inaendelea vizuri, pia niishukuru serikali kwa maandalizi mazuri na huduma nayopata wodini, Kwenye kituo toka juzi nipo peke yangu kama nimekikodisha vile, wahudumu wanaushirikiano mzuri Mungu awalinde na awape afya njema maana wamejitolea nafasi zao kutupatia huduma sisi waathirika, hili janga la kimataifa linakwepeka kama tutafuata ushauri nasaha kutoka kwenye Wizara husika, naomba kwa wote tuwe salama na familia zetu, tuchukue tahadhari mapema. Be Strong and Be Safe Everyone out there" aliandika Salam

Salam anakuwa mtu wa 6 nchini katika idadi ya watu walioambukizwa virusi hivyo vya Corona baada ya yule wa kwanza Bi Isabella mkoani Kilimanjaro, mwingine visiwani Zanzibar na Wawili wengine kutoka jijini Dar es salaam.

Mpaka sasa Corona imeshaambukiza watu takribani 200,000 Duniani kote Afrika ikiwa na Wagonjwa 633 na Kuuwa watu 17 katika nchi za Afrika.