IRINGA: Mbunge wa Iringa mjini Mchungaji Peter Msigwa amepandishwa kizimbani katika Mahakama ya Mwanzo Mjini Iringa kwa tuhuma za kumtusi na kutishia kumuua aliyekuwa Diwani wa Kata ya Kitwiru, Baraka Kimata.

Msigwa amefikishwa kizimbani sambamba na Diwani wa Viti Maalum, Selestina Johanes na dereva wa mbunge huyo, Godi Mwaluka wamepandishwa kizimbani kwa kosa hilo.

Hakimu wa mahakama ya mwanzo Mayagilo amesema kuwa Msigwa na wenzake walitenda kosa hilo jana saa nane mchana katika viunga vya Ofisi za Halmashauri ya Manispaa ya Iringa.

Baada ya kusomewa shtaka hilo, Msigwa na wenzake wamepata dhamana na kesi hiyo imeahirishwa hadi Oktober 9.