Dodoma. Mbunge wa Viti Maalum (Chadema), Kunti Majala amekamatwa na jeshi la polisi jana katika mji wa chemba na kumsafirisha mkoa wa Dodoma kwa ajili ya kuhojiwa akidaiwa kufanya kampeni za uchaguzi mkuu ujao mapema.

Kunti amekiri kukamatwa na jeshi la polisi katika kijiji cha Mapango Kata ya Chandama wilayani Chemba juzi akidaiwa kufanya kufanya kampeni mapema kabla ya uchaguzi mkuu 2020, Hata hivyo, kunti amesema baada ya kuripoti kituoni hapo alichukuliwa na gari la polisi hadi ofisi za mkoa za jeshi hilo kwa ajili ya mahojiano zaidi.

"Tangu saa 2 asubuhi ndio sasa wananiachia saa hizi (saa 1.30 jioni) niende nyumbani baada ya mahojiano. Wameniambia wakinihitaji wataniambia," amesema kunti jana.

Kamanda wa Polisi Mkoa wa Dodoma, Lazaro Mambosasa amethibitisha kusafirishwa kwa mbunge huyo hadi Dodoma kwa ajili ya mahojiano.