PWANI: WILAYA ya Mkuranga mkoani wa Pwani, imepiga marufuku mikusanyiko ya usiku vikiwamo vikao.

Marufuku hiyo ilitangazwa na Mkuu wa Wilaya hiyo, Filbeto Sanga, katika kikao cha kawaida kilichowashirikisha madiwani, wakuu wa idara na wananchi.

”Mikusanyiko ya usiku isifanyike ikiwamo na kutofanya vikao ndani vifanyike nje maeneo yaliyo ya wazi,” alisema.

Ingawa hakufafanua lengo la marufuku hiyo, lakini wilaya hiyo na wilaya za Rufiji na Kibiti mkoani Pwani zimekuwa zikikumbwa na matukio ya mauaji mara kwa mara, hali iliyosababisha kuanzishwa kanda maalum ya kipolisi ya Rufiji ikijumuisha wilaya hizo.

Aliongeza kuwa zuio la pikipiki kutembea usiku lipo palepale.Sanga alisema kutokana ongezeko la ajali za bodaboda na kwamba utaratibu huo wa serikali una lengo la kuhakikisha zinapungua.

Alisema ajali za mabasi zimepungua, lakini ajali za pikipiki zipo nyingi,” alisema.