Rais wa Marekani Donald Trump amesema, Marekani imeiharibu ndege ya Iran isiyokuwa na ruban iliyoikaribia kwa yadi 1,000 moja ya manowari yake ya kivita katika mlango wa bahari wa Hormuz.

Kulingana na rais Trump hatua hiyo ilikuwa ni ya kujilinda kwa kuwa ndege hiyo ya Iran ilikuwa ikitishia usalama wa manowari hiyo pamoja na wafanyakazi wake.

Trump aliyezungumza akiwa Ikulu ya White House amesema ndege hiyo isiyo na rubani iliharibiwa kabisa na kuongeza kuwa huo ni uchokozi wa karibuni zaidi kufanywa na Iran dhidi ya manowari zilizopo kwenye eneo la mpaka huru wa bahari.

Kudunguliwa kwa ndege hiyo kunakuja katika wakati ambapo wasiwasi unaongezeka katika eneo la Ghuba, kati ya Marekani na Iran iliyowekewa vikwazo na serikari ya rais Trump.

Hata hivyo Waziri wa Mambo ya Nje wa Iran Javad Zarif amehakikisha kwamba hana taarifa kuhusu kutoweka kwa ndege isiyo kuwa na rubani, ambayo ilidunguliwa jana Alhamisi (Julai 18).Juni 20, Iran iliangusha ndege isiyo kuwa na rubani ya Marekani ambayo ilikuwa kwenye anga yake, kwa mujibu wa Tehran.

"Hakuna taarifa kuhusu ya kudunguliwa kwa ndege hiyo", kwa mujibu wa Tehran

Alipoulizwa muda mfupi baada ya kufika kwenye makao makuu ya Umoja wa Mataifa jjini New York, Waziri wa Mambo ya Nje wa Iran Mohammad Javad Zarif amesema "hanana taarifa kuhusu ya kuangushwa kwa ndege hiyo ambayo Marekani inadai kuwa ni ya Iran".