Dar es Salaam: Mali za Mwenyekiti wa Chama cha Demokrasia na Maendeleo (Chadema), Freeman Mbowe zinatarajiwa kupigwa mnada baada ya kushikiliwa na Shirika la Nyumba la Taifa la NHC kwa zaidi ya miaka mitatu.

Mali hizo ni zilizokuwa zikisimamiwa na kampuni ya Mbowe Limited ya mwenyekiti huyo ambazo zilizokuwa kwenye ukumbi wa disco wa Bilicanas wa jijini Dar es salaam ambao mwaka 2016 NHC lilizichukua kwa nguvu kwa madai ya kutolipwa kodi kwa miaka 20.

NHC inasema kuwa wanamdai Mbowe kodi ya Sh1.1 bilioni ambayo mapaka sasa ameshindwa kuilipa.

Mnada huo unatarajiwa kufanyika siku ya Jumamosi Julai 6, 2019. Vitu vitakavyopigwa mnada kuwa ni viti, meza, makochi, makabati, taa, majukwaa na vifaa vingine vilivyokuwa ndani ya ukumbi huo.

mnada huo utafanyika kuanzia saa 4 asubuhi kwenye ghala la NHC karibu na geti namba 3 la Bandari ya Dar es Salaam.