Paris: Rais mteule wa Ufaransa Emmanuel Macron leo Jumapili ameapishwa, Macron amepewa dhamana ya kuongoza nchi hiyo, akiwa rais wa kwanza mwenye umri mdogo kuwahi kuongoza taifa hilo kubwa barani ulaya.

Kuapishwa kwa Macron kunakuja huku akiwa anakabiliwa na changamoto nyingi ikiwemo kufufua uchumi na kuleta matumaini mapya ya uhai ndani ya umoja wa Ulaya Bwana Macron, ambaye aliendesha siasa zake akiunga mkono uwepo kwa ufaransa kwenye umoja wa Jumuia ya mataifa ya Bara la Ulaya, ameahidi kufufua uchumi wa Ufaransa na kufanyia mabadiliko siasa za kale za Ufaransa.

Macron ameaapishwa kuchukua nafasi ya rais anayemaliza muhula wake Fancois Hollande ambaye miaka yake mitano madarakani ilikumbwa na ukosefu mkubwa wa ajira na mashambulizi ya kigaidi.