Nairobi: Taariafa kutoka kenya mjini Nairobi zinasema kuwa Lissu alifikishwa salaama katika uwanja wa Ndege wa Jomo kenyatta International Airport saa saba na dakika 32 usiku na kupelekwa haraka katika Hospitali ya Aga khan ya mjini hapo, Akiongea na muakilishi.com kwa Njia ya simu Mbunge wa Iringa mjini Peter Msigwa amesema kuwa kwa sasa mbunge huyo anaendelea na matibabu na timu ya madaktari wa Aga khan ambao wanajaribu kila wawezavyo kurudisha hali ya Lissu kama kawaida.

Lissu alipelekwa nchini kenya majira ya saa 6 na robo usiku kutokea uwanja wa ndege wa Dodoma baada ya kupata Rufaa ya matibabu zaidi kutoka katika hospitali ya General iliyopo mjini Dodoma, Mbunge huyo wa singida mashariki jana aliambatana na Wabunge kadhaa akiwemo Mwenyekiti wa chadema Taifa Freeman Mbowe, Joseph Selasini, Peter Msigwa na Mke wa Mbunge huyo na Madaktari wawili wasio na Mipaka.

Lissu alipigwa Risasi na watu wasiofahamika akiwa nyumbani kwake Dodoma maeneo ya Area D akitokea kwenye shughuli zake za kazi nakupelekwa katika katika hospitali ya mkoa wa Dodoma General.