Dar es salaam: Mbunge wa Singida Mashariki na Mwanasheria Mkuu wa CHADEMA, Tundu Lissu amekamatwa jioni hii akiwa uwanja wa ndege wa kimataifa wa mwalimu Nyerere jijini Dar es salaam akielekea Rwanda kwenye Mkutano wa Marais wa Vyama vya Mawakili Afrika Mashariki.

Lissu Amefuatwa na Askari kutoka kwa Mkuu wa Upelelezi Kanda Maalumu ya Dar es Salaam (ZCO) na kumwambia aelekee Kituo cha Polisi cha kati kwa Mahojiano, na kwa upande wake Lissu alikubali kuelekea kituo cha polisi na tayari kwa mahojiano.

Taarifa kutoka kwenye chama chake (CHADEMA)kimesema bado hakijafaham chanzo kikuu cha kukamatwa kwake na kitatoa taarifa baada ya kufanya mawasiliano na mkuu wa polisi.