DODOMA: KIKOSI cha Scout TANZANIA kilichotembea kwa miguu kikitokea Mkoani Morogoro kimewasili leo Mkoani Dodoma lengo likiwa ni kuadhimisha miaka 100 toka kuanzishwa kwake

Kikosi hicho chenye vijana 20 kimewasili Mjini hapa na kupokelewa na Mkuu wa Mkoa Mh.Jordan Rugimbana ambapo akizungumza katika mapokezi hayo Rais wa Scout Tanzania Bi.Mwantumu Mahiza amesema katika maadhamisho hayo wamedhamilia kutoa Tuzo ya heshima kwa Rais John Pombe Magufuli ikiwa ni ishara ya kumuunga mkono kwa juhudi za kuokoa rasilimali za nchi anazochukua.

Aidha Kamishina Mkuu wa chama cha Scout Abdul Karimu ameahidi kuunda madawati ya Sacout Mkoani hapa kuanzia ngazi ya Shule ya Msingi hadi vyuo kwa lengo la kuwajengea ukakamavu na uzalendo vijana.

Na kwa upande wake kiongozi wa nsafara Aloyce Zengwe amesema matembezi hayo yalibeba ujembe wenye dhima tano kutoka kwa Rais Magufuli ambapo wakiwa njiani wameweza kutekeleza masuala mbalimbali ikiwemo kutoa elimu kwa wananchi juu ya njia sahihi za kupambana na madawa ya kulevya\

Hata hivyo kwa upande wake Mkuu wa Mkoa wa Dodoma Mh.Rugimbana pamoja na kuwapongeza kwa hatua yao ya kizalendo pia amewaahidi kuendelea kuwa nao bega kwa bega ili kuzidi kuimarisha nguvu kazi ya Taifa.

Chama cha Scout ni Chama cha hiari kwa ajili ya vijana lengo lake likiwa ni kuchangia maendeleo ya vijana kufikia utimilifu wa vipaji vyao vya kimaumbile,kiakili,kijamii na kiroho