DODOMA:KATIKA hali isiyo kuwa ya kawaida watu wasiojulikana wamemuua kikatili kikongwe wa miaka 67mkazi wa Makang'wa kata ya Mvumi wilayani Chamwino Mkoani Dodoma ambapo mwili wake ulikutwa ukiwa umetobolewa macho kisha kubakwa.,

Akielezea tukio hilo Mwenyekiti wa kitongoji cha Maduma, BATONI MWIDOYA hicho,amesema kuwa tukio hilo limetokea Agosti mosi Mwaka huu nyumbani Kwa bibi huyo ambapo watu wasiojulikana walimuingilia ndani usiku akiwa amelala wakavunja mlango wa nyumba na kumfanyia ukatili huo.

Amesema kuwa yeye kama kiongozi alipigiwa simu na ndugu wa bibi huyo kuwa amefariki katika mazingira ya kutatanisha ndipo akamwambia mtendaji wa kata ambaye aliwapigia simu polisi ambapo waliupeleka mwili wa marehemu katika kituo cha afya kuufanyia vipimo.

Aidha amesema kuwa tukio hilo sio la kwanza kutokea katika kitongoji chake lakini cha kushangaza askari wa kata hiyo wamekuwa hawatoi ushirikiano pale panapotokea matatizo kama hayo.

Naye mjukuu wa marehemu, EUNIKE PETRO akielezea tukio hilo amesema kuwa anashangazwa na mauaji ya bibi yake ambapo anaeleza kuwa anamuhisi aliyehusika na mauaji hayo kuwa ni mumewe kwani amekuwa na ugomvi nae Kwa muda mrefu.

Kwa upande wake Kamishna msaidizi mwandamizi wa Polisi,Kamanda wa Polisi wa Mkoa wa Dodoma, LAZARO MAMBOSASA amethibitisha kutokea Kwa tukio hilo.