GEITA: Kaimu Katibu wa Umoja wa Wanawake Tanzania (UWT) wilaya ya Geita Angela Simwanza amewahamasisha wajumbe wa halmashauri kuu ya CCM Kata ya Bukoli na Nyaruyeye kuanza maandalizi ya kujiandikisha kwenye daftari la wapiga kura ili kuwa na uhakika wa ushindi wa kishindo.

Akizungumza akiwa katika ziara kwenye kata hizo Angela amesema wajumbe hao hususan wanawake wanapaswa kuanza kujiandaa kuanzia sasa.

"Akina mama tambueni kuwa nyie ni jeshi kubwa hivyo wajibu wenu ni kuwakumbusha kina baba na vijana kwa ujumla kuhakikisha siku itakapofika wanajiandikisha kwa wingi"alisema Angela.

Pia amewataka kuwa mabalozi wa kuyasemea mazuri anayofanya Rais Dokta John Magufuli kwa kuwa ni mtaji wa kuingia nao kwenye chaguzi zijazo.

"Akina mama tukishikamana ushindi kwa CCM hauna mjadala, tuhamasishe kujiandikisha, tuhamasishe kugombea na tuhamasishe kwenda kupiga kura," alisema Angela.