Dar es salaam: Kamanda wa Polisi Mkoa wa kipolisi Kinondoni, Mussa Taibu amesema Msanii wa Muziki wa Bongo Fleva, Dudu baya anashikiliwa na Jeshi la Polisi katika kituo cha polisi cha Oysterbay kwa mahojiano zaidi.

Dudu anashikiliwa na Jeshi la polisi baada ya kudaiwa Kutoa lugha chafu ya kumkashfu aliyekuwa Mkurugenzi wa Vipindi wa Clouds Media group Marehemu Ruge Mutahaba kabla na baada ya kufa kwake.

Jana baada ya malalamiko ya watu wengi kuona kauli za msanii huyo mitandaoni akiwa anamzungumzia vibaya marehemu huyo wengi wao waliomba vyombo husika kumchukulia hatua msanii huyo.

Baada ya muda kadhaa ndipo Waziri mwenye dhamana ya Habari sanaa na Michezo Harrison Mwakyembe akaliagiza baraza la sanaa la Taifa BASATA kwa kushirikiana na Jeshi la Polisi kumchukulia hatua stahiki Msanii huyo.

Naye kwa Upande wake Dudubaya baada ya agizo hilo la waziri Mwakyembe alilitaka jeshi la polisi lisimfuatilie na kuchoma mafuta mpaka nyumbani kwake huku akisema kufanya hivyo ni kuharibu mafuta ya serekali, na akawa yupo tayari kuripoti kituo chochote cha polisi kama atahitajika