Msemaji wa serikali ya Iran Ali Rabei, amelielezea shambulio la meli ya mafuta ya nchi yake kuwa "shambulio la uoga".

Rabei ameongeza kuwa Iran inakwepa kufanya pupa na kwamba inafanya uchunguzi kwa makini kabla ya kujibu mashambulizihayo.

Meli hiyo iitwayo Sabiti, ilishambuliwa katika bahari ya Shamu Ijumaa iliyopita.

Tukio hilo huenda likazua upya msuguano kwenye eneo hilo lililotawaliwa na matukio ya kushambuliwa kwa meli za mafuta tangu mwezi Mei.

Katika hatua nyingine, afisa wa ngazi ya juu wa usalama wa Iran amesema ushahidi wa video kuhusiana na tukio la kushambuliwa kwa meli hiyo umeonesha kuwa ilishambuliwa kwa makombora mawili.