Mkuu wa Jeshi la Polisi Nchin Tanzania IGP Simon Sirro amewataka wananchi kote nchini kuendelea kuitunza na kuimarisha hali ya amani na usalama nchini na kujiepusha kushiriki katika vitendo vya kihalifu

IGP Sirro amesema hayo leo Kibaha mkoani Pwani akikagua mradi wa nyumba 24 za makazi ya askari Polisi na familia zao, ambapo amewaagiza Makamanda wa Polisi kote nchini kuimarisha doria na misako ili kuhakikisha Watanzania wanasherehekea sikukuu kwa amani huku wale watakao vunja amani ya nchi kushughulikiwa kwa mujibu wa sheria.

Hata hivyo, akikagua nyumba za makazi ya askari Polisi IGP Sirro ameendelea kumpongeza Rais wa Jamhuri ya Muungano wa Tanzania Dkt. John Magufuli, kwa kuunga mkono jitihada zinazofanywa na Jeshi hilo.