Marekani: Utawala wa Rais Donald Trump umekuwa ukishangilia baada ya Bunge la wawakilishi kupitisha muswada uliobatilisha mpango wa afya wa Obamacare ,sheria ya Obama kuhusu gharama nafuu za upatikanaji wa matibabu.

Mpango huo wa huduma za afya wa Obama ulikuwa ukitoa huduma za bima ya afya kwa mamilioni ya raia wa Marekani, hivyo kutengua mpango huo ulikua moja ya ahadi ya Trump wakati wa Kampeni za urais.

Muswada huo umepita kwa ushindi mwembamba wa kura 217 kwa 213.

Muswada huo sasa utapelekwa kwenye bunge la Senate ambao walitoa wito wa kufanyika kwa mabadiliko ya sheria.

Mwandishi wa BBC mjini Washington amesema muswada huo haujulikani utaathiri watu wangapi kutokana na kupoteza bima za afya.

Image caption Rais Trump ameseama ana uhakika muswada huo utapita kwenye bunge la Senate

upande wa wawakilishi kutoka chama cha Democrat wameeleza madhara ya kura hii iliyopigwa, Steny Hoyer ni mwakilishi ndani ya bunge upande wa walio wachache

''wabunge wengi ndani ya bunge la uwakilishi walijua wanaupigia kura muswada mbaya hii leo na Marekani yapaswa kusikitika kwa sababu wabunge wote hawakupiga kura kuipinga, na Marekani itawawajibisha''

baada ya kura hiyo waandamanaji walikua wakiimba kuonyesha kutounga mkono kura hiyo iliyopitisha muswada huo