Dar es Salaam. Mwongozaji wa Video nchini Tanzania Director Kenny amesema kufanana kwa vipande vya Video kwenye wimbo wa Tanasha ft Diamond Platnumz na Video ya Iza nimakubaliano yaliyofanyika kati yao.

Kauli hii ya Kenny imekuja mara Baada ya kusambaa kwa picha kwenye mitandao ya kijamii zikionyesha namna vipande vya video ya wimbo wa Gere vilivyofanana na wimbo Brisa wa msanii Iza, Kenny ambaye ni mwongozaji wa video hiyo amekanusha madai hayo.

Kenny aliyeshinda tuzo ya Afrima ya mwongozaji bora wa video mwaka 2019 amesema, “hakuna kilichofanyika tofauti, hayo yalikuwa ni makubaliano kati yetu na Iza. Diamond hawezi kutumia wazo la mtu bila kumpa taarifa na si jambo la ajabu katika sanaa, linafanyika sana.”

Donna aliuweka wimbo huo mtandaoni Februari 19, 2020 na tangu siku hiyo Iza ambaye ni raia wa Brazil amekuwa akimshutumu Diamond kuiga video hiyo kinyume na makubaliano yao.

Iza ambaye jina lake halisi ni Isabela Cristina Correia de Lima alieleza kuwa aliombwa wahusika kutumia wazo la video yake, lakini kilichofanyika ni kama kahamisha wazo zima.

Mpaka sasa video hiyo inazaidi ya watazamaji milioni 2 na kidogo tangu iachiwe juzi na inashika namba moja kwenye mtandao wa Youtube kati ya Video zinazotazamwa zaidi.