Dodoma: Aliyekuwa Mwenyekiti wa Vijana taifa wa CHADEMA (bavicha) ambaye kwa sasa ni Mkuu wa Wilaya ya Dodoma, Patrobas Katambo amemsweka mahabusu Diwani wa Chang'ombe (Chadema), Bakari Fundikira kwa madai ya kuchochea migogoro ya ardhi katika eneo lake.

"Nikweli yupo ndani, hajataka kuheshimu sheria zilizopo, yeye na wenzake wamekuwa vinara wa kuanzisha migogoro ndani ya wilaya hii" amesema Katambi baada ya kupigiwa simu na mwandishi wetu Kutaka kujua ukweli wenyewe.

Diwani huyo alikamatwa jana asubuhi Jumatano Januari 9, 2019 na kupelekwa Kituo Kikuu cha Dodoma ambapo mpaka saa 6 asubuhi leo, alikuwa hajatoka na utaratibu wa kumuwekea dhamana ulikuwa unaendelea.

Katambi alikuwa moja ya mjumbe muhimu wa kamati kuu ya Chadema na baadae alikipiga chini chama hicho akajiunga na chama tawala cha CCM.