Sengerema: Chama cha Mapinduzi CCM kimesema kuwa kitashinda Uongozi Katika uchaguzi Ujao wa Mwezi Octoba 2020, ikiwa ni pamoja na Udiwani, Ubunge na Urais na kuvifuta vyama vya upinzani nchini.

Kauli hiyo imetoa leo Ijumaa Februari 14, 2020 wilayani Sengerema Mkoani Mwanza na Makamu mwenyekiti wa CCM-Bara, Philip Mangula alipokutana na viongozi wa ngazi mbalimbali wilayani Sengerema.

Amesema mwaka 2020 ni mwaka wa uchaguzi, kwahiyo CCM ni lazima ihakikishe inashinda, kuwataka viongozi kufanikisha jambo hilo kwa kuteua wagombea sahihi ili kuepusha malumbano.

"Tunapaswa kushirikiana wote kuanzia ngazi za mashina hadi Taifa, tukifanya hivyo tutashinda kwa nguvu moja,” amesema Mangula akisisitiza kuwa siasa safi na ushirikiano na Serikali ni msingi wa maendeleo.