DODOMA: CHAMA Cha Mapinduzi(CCM)wilaya ya Dodoma Mjini kimeanza mchakato wa kumpata naibu meya wa manispaa hiyo huku kikiwataka wagombea wote waliojitokeza kuwania nafasi hiyo kutojihusisha na rushwa.

Akizungumza ofisini kwake Katibu wa CCM wilaya PILI MBANGA Alisema katika mchakato huo madiwani sita wamejitokeza kuchukua na kurudisha fomu.

Aliwataja madiwani hao kuwa ni naibu meya JUMANNE NGEDE ambaye anatetea nafasi yake,ALLY MOHAMMED,ABEL SHAURI,JACOB LEMANYA,NEEMA MWALUKO na MSINTA MAYAOYAO.

Ametoa tahadhari kwa wagombea wote kutojihusisha na rushwa na kusisitiza chama hakitasita kuchukua hatua kwa yoyote atakayeenda kinyume.

Katika hatua nyingine katibu MBAGA alisema CCM wilaya ya Dodoma mjini inaendelea na uchaguzi ngazi ya kata ambapo kwa sasa imekamilisha chaguzi hizo upande wa jumuiya zote na kinatarajia ifikapo agosti 5 mwaka huu wawe wamekamilisha uchaguzi wa Chama ngazi ya Kata.