Bodi ya Mikopo ya Elimu ya Juu (HESLB) imesema itaanza msako mkali kuwasaka wadaiwa sugu zaidi ya 109,980 ambao hawajaanza kurejesha TSh. bilioni 291.5

Mkurugenzi Mtendaji wa HESLB, Abdul- Razaq Badru alisema, fedha hizo zinatakiwa ziwe tayari zimekusanywa hadi kufikia Juni, 2019 ili wahitaji wengine waendelee kunufaika na mkopo huo

Pia wiki ijayo bodi itaanza kazi ya kuwatembelea waajiri kwa lengo la kuwatafuta wanufaika ambao hawajaanza kurejesha au wale ambao wamerejesha kiwango kisichofuata matakwa ya Serikali

Badru alisema katika kipindi cha mwaka huu wa fedha wamepanga kukusanya TSh. bilioni 150