Dodoma: Katibu Mkuu wa chama cha Mapinduzi CCM, Dk Bashiru Ally amemuonya vikali Waziri mmoja kijana (hakumtaja jina) kuwa hana adabu na amekuwa na tabia ya kuwatolea maneno yasiyofaa(Lugha chafu) watendaji walio chini yake. "Yeye kateuliwa na Rais na wao wameteuliwa na Rais. kujenga mahusiano ni kazi," amesema Bashiru

Kauli hiyo ameitoa leo Jumamosi Machi 23, 2019 wakati akizindua mkakati wa kukomaza demokrasia kwenye mashina ulioandaliwa na CCM mkoa wa Dodoma

Aidha katika hatua nyingine Dkt Bashiru amemuondoa katibu wa CCM wilaya ya Chemba mkoani Dodoma akidaiwa kuwa na mahusiano mabaya ya viongozi katika wilaya hiyo.

Amesema mbunge (wa Chemba- Juma Nkamia), mkuu wa wilaya ( Simon Odunga) na mbunge hawana mahusiano mazuri katika wilaya hiyo. "Namuondoa katibu wangu ameshindwa kumudu kujiongeza. Nitapeleka katibu mpya pale," amesema. Amesema matatizo kama hayo yapo wilaya za Siha, Kyela, Arusha hasa kwa mkuu wa mkoa wa Arusha (Mrisho Gambo).