Mbeya: Mzee mmoja kwa jina la Steven Petro (70) mkazi wa Kijiji cha Godima Wilaya ya Chunya mkoani mbeya amehukumiwa kifungo cha miaka 30 Jela baada ya mahakama ya wilaya hiyo kumtia hatiani kwa kumbaka mjukuu wake mwenye umri wa miaka 12.

Mshtakiwa alikiri shtaka Mbele ya mahakama, kitendo hicho kilimsababishia mtoto huyo maumivu makali na kutokwa damu nyingi.

Desdery Magezi ambaye ni Hakimu Mkazi, alitoa hukumu jana Jumatano nakusema kuwa ameridhishwa na ushahidi uliotolewa hivyo kumtia hatiani mshtakiwa na kumhukumu kifungo cha miaka 30 jela.

Kabla ya hukumu kusomwa, mwendesha mashtaka wa Polisi, Fredrick Philimon alidaia mshtakiwa alitenda kosa hilo Agosti 14 nyumbani kwake katika Kijiji cha Godima wilayani Chunya.

Ilidaiwa mshtakiwa alitumia mbinu ya kumtuma mtoto huyo kuchota maji akimpatia Sh500.