DODOMA: MTU mmoja Mariam Said mwenye umri wa miaka 17 ambaye ni mkazi wa Kigoma ambaye alikuwa akiishi kitongoji cha Chang’ombe kilichopo kijiji cha Chamwino Ikulu wilayani Chamwino mkoani hapa ameuawa kikatili kwa kukatwa shingo na kutenganishwa na kiwiliwili chake.

Tukio hilo limetokea leo saa kumi usiku pia iadaiwa kichwa chake kilichomwa moto ikiwemo kuchomwa sehemu za siri pamoja na sehemu mbalimbali za mwili wake.

Akielezea tukio hilo leo Mjini Dodoma,Kamishna msaidizi mwandamizi wa Jeshi la Polisi,Kamanda wa Polisi wa Mkoa wa Dodoma, LAZARO MAMBOSASA amesema kuwa tukio hilo limetokea Agosti 8 mwaka huu mnamo majira ya saa 4 usiku katika kijiji hicho cha Chamwino ikulu.

Aidha Kamanda MAMBOSASA amebainisha kuwa kutokana na tukio hilo,Jeshi la Polisi Mkoani humo linawashikilia watu 11 kwa uchunguzi kutokana na mauaji hayo.

Hata hivyo ametoa wito kwa wananchi wa kijiji hicho kuikataa fedheha hiyo ya washirikina ambapo Jeshi la Polisi wakati linafanya uchunguzi wa tukio hilo kuwafichua wale wote waliohusika kuandaa mpango na kutekeleza mauaji hayo.

Katika tukio jingine mtu mmoja ambaye ni mkazi wa Ntyuka katika Manispaa ya Dodoma MASUMBUKO NYERERE mwenye umri wa miaka 24 mkulima amefariki dunia baada ya kufukiwa na kifusi cha mchanga wakati alipokuwa anachimba mchanga.

Kwa mujibu wa Kamanda wa Polisi wa Mkoa wa Dodoma,LAZARO MAMBOSASA amesema kuwa tukio hilo limetokea Agosti 8 mwaka huu mnamo majira ya saa moja asubuhi katika kijiji hicho.