Kijana maarufu mtandaoni atangaza kujiua baada ya kukutwa na Hiv

Kijana maarufu mtandaoni na mpiga picha malidadi nchini Nigeria, Chika Michael Ekezie ametangaza kujiua baada ya kupimwa na kukutwa na virusi vinavyosababishwa ugonjwa wa UKIMWI.

Chika Michael Ekezie

Kijana huyo jana kupitia ukurasa wake wa Instagram aliandika kuwa “Hii ndiyo siku yangu ya mwisho kuweka posti kwenye mtandao huu kwani nimekutwa na virusi vya UKIMWI baada ya kupima nasikitika kuwa ukurasa wangu hautakuwa hewani milele, nawashukuru wote mlioniamini kwenye kazi yangu“.

Hata hivyo ujumbe kama huo pia hakuishia kuuposti instagram peke yake alienda pia kuuweka kwenye mtandao wa WhatsApp ambapo alitoa taarifa ya kujiua.

Taarifa kutoka mtandao wa Today Nigeria zimeripoti kuwa kijana huyo baada ya kutoa tangazo hilo alikunywa dawa kupita kiasi (Overdose) na mpaka sasa bado amelazwa hospitali.