Askofu wa Kanisa la Ufufuo na Uzima, Josephat Gwajima, amekanusha vikali juu ya video ya ngono inayosambaa kwenye mitandao ya kijamii ikimuhusisha yeye na kusema video hiyo imetengenezwa.

Kauli hiyo ya Gwajima ameitoa leo May 8 wakati akizungumza na waandishi Jumatano Jijini Dar es Salaam

“Hiyo video aliyeisambaza ni mtu mmoja anajiita The Originaleast wa mtandao wa instagram na sijui ameitengeneza hivyo akiwa na maana gani na siku zote ukikuta mtu amerusha tukio la mtu au watu wakiwa chumbani jua nia yake si nzuri.

" Niliona hizo video jana asubuhi ila sikutaka kuongea maana nilitaka kufanya uchunguzi nimjue mtu wa nyuma yake sasa nimekuja kumpiga" Gwajima "

"Hata kama tukio hili lingekuwa ni kweli aliyerusha nia yake sio nzuri, anajua mimi nina mke na watoto wakubwa na nina makanisa zaidi ya 400. Lengo la mtu huyu haliwezi kuwa zuri ni zaidi ya kunichafua ni lengo la kishetani, Gwajima

“Naomba mjiulize ni mwanamume gani anaweza kujirekodi mwenyewe halafu ajiwekee mikono ya baunsa alafu aitume kwenye mitandao lengo la mtu huyu haliwezi kuwa zuri na ana lengo la kunichafua,” amesema Gwajima.

Pia Gwajima amesema tayari amesharipoti Mamlaka ya Mawasiliano Tanzania (TCRA) kuhusu video hiyo na ameripoti polisi na kupewa RB.