Iringa: Askari watatu wa Jeshi la Polisi mkoani Njombe nchini Tanzania wamefariki dunia na wengine tisa kujeruhiwa mara baada ya gari lao la polisi kugongana na basi la abiria la Shalom linalofanya safari zake Njombe-Arusha.

Tukio hilo limetokea leo Februari 3, saa 12 asubuhi.

Mganga Mfawidhi wa Hospital ya Kibena, Dk. Alto Mtega amethibitisha kupokea watu 12, kati yao watatu wakiwa tayari wamefariki dunia.

"Waliletwa watu 12 hapa hali zao zikiwa sio nzuri na kati yao watatu wao walikuwa wameshafariki Dunia, bado kati ya hawa kunawengine bado hali zao sio nzuri sana, tunafanya kadri iwezavyo kuhakikisha tunaokoa maisha yao" alisema Dk Mtega.