#BreakingNews Aliyekuwa rais wa Misri, Mohammed Morsi, amefariki Dunia Mchana wa leo June 17,2019 wakati akiwa mahakamani, alipokuwa akisomewa Mashtaka mengine ya Uhaini

Morsi alitimuliwa madarakani na jeshi la Misri mnamo 2013 na alihukumiwa kifungu cha maisha Jela mwaka 2016 baaada ya kukutwa na hatia ya kutoa nyaraka za siri kwa nchi ya Qatar.

Kundi lake la Muslim Brotherhood ambalo yeye ni mwanachama wa maisha lilipigwa marufuku na viongozi wake wengi walihukumiwa kifo.

Morsi alipinduliwa madarakani akiwa amehudumu kwa mwaka mmoja tu tangu aingie madarakani baada ya kung'olewa madarakani kwa Rais wa zamani Hosni Mubarak kwa kilichodaiwa alikiuka misingi ya demokrasia.

Waziri wa Ulinzi, Mkuu wa majeshi ya nchi hiyo ya Misri ambaye ndio rais wa sasa Jenerali Abdel Fattah al-Sisi alitangaza kwa njia ya Televisheni taarifa za kuangushwa kwa Rais Morsi.

Kufuatia mapinduzi hayo Jaji Mkuu Adly al-Mansour aliongoza serikali ya mpito kabla kufanyika kwa uchaguzi wa kidemokrasia utakaofanyika baadaye nchini humo.

Kulingana na mpango wa jeshi jaji huyo mkuu aliapishwa na kuchukua nafasi ya kuongoza serikali ya mpito iliyoundwa baada ya mapinduzi.

Polisi nao waliwazingira wasaidizi wa Morsi na Viongozi wa chama cha Muslim Brotherhood, huku hati za kuwakamata wafuasi 300 wa Chama hicho zilitolewa