Chama kikuu cha Upinzani kwasasa Visiwani Zanzibar ACT Wazalendo kimelaani vikali Hatua ya Jeshi la Polisi Visiwani humo kuwakamata viongozi na wanachama 5 wa chama hicho katika maeneo ya Micheweni na Wete Mkoa kaskazini Pemba.

Kwa mujibu wa taarifa iliyotolewa leo ijumaa Machi 29, 2019 na MKatibu wa Itikadi na Uwenezi wa ACT Wazalendo Ado Shaibu amesema kuwa Jana Machi 28 na Juzi Machi 27 Wanachama watano wa chama hicho walikamatwa na Jeshi la Polisi kwa muda tofauti na maeneo tofauti wakidaiwa kufanya makosa mbali mbali

Walioshikiliwa na Polisi ni Omari Juma na na Ndugu Mwinyi waliitwa na Jeshi hilo wakituhumiwa kutumia Neno TAKBIR tarehe 18 machi 2019 wakati wakipandisha bendera ya Act.

Wengine ni khatibu kombo aliwekwa ndani katika wilaya ya micheweni na Shame komba na Ali Nassoro wakitumiwa kushusha bendera ya CCM, Machi 18, lakini wanachama wote waliachiliwa kwa dhamana.

Chama hicho kimelitaka Jeshi hilo kuacha mara moja vitendohivyo vya kuwakamata wanachama wake kwa kuwa chama hicho kinafanya kazi zake za kisiasa kwamujibu wa sheria za nchini.