London: Usiku wa kuamkia leo Dunia ya masumbwi ilisimama kushuhudia Mafahari wawili wakinyukana Pambano lilikuwa kati ya mwiingereza Anthony Joshua na Wladimir Klitschko kutoka nchini Ukreni ambapo Bondia wa Uingereza Anthony Joshua alimbwaga Wladimir Klitschko wa Ukraine na kutawazwa bingwa wa dunia kitengo cha uzani mzito.

Mashabiki wa ndondi walishuhudia pambano la la aina yake ambapo, Joshua alimwangusha Wladimir katika raundi ya tano, na hii ni kwa mara ya kwanza katika maisha yake ya ndondi , Joshua alimuangusha katika raundi ya 6

Joshua alipata ushindi, baada ya kupata upenyu na kurusha ngumi ya kushtukiza ya mtunguo, iliyompa nafasi ya kumwangusha wladamir kwa msururu wa ngumi.

Pigano hilo lililoshuhudiwa na zaidi ya watu 90,000 katika uwanja wa Wembley mjini London, lilisimamishwa katika raundi ya 11 baada ya Joshua kumzidi nguvu Wladimir na kumuangusha.

Uwanja wa Wembley ulijawa kelele na shangwe wakati mwamuzi alisema Wladamir amezidiwa kabisa. Joshua, ambaye ana umri wa miaka 27, ameshinda mechi zote 18 za awali kwa pigo la ushindi ama KO.