Mbunge wa Iringa Mjini mchungaji Peter Msingwa amesema kuwa Naibu waziri wa Mambo ya ndani ya Nchi, Hamad Masauni anahitaji msaada wa Ushauri, huku akisema kuwa Waziri huyo amelewa Sifa kwasababu ya Nafasi yake ya Unaibu Waziri.

"Nadhani Naibu waziri Masauni amelewa madaraka, anahitaji msaada"

Kauli hiyo ya Msigwa ameitoa leo May 6 kupitia ukurasa wake wa twetter mara baada ya Waziri huyo leo Bungeni kuliagiza jeshi la Polisi nchini Tanzania kumuhoji Mbunge huyo juu ya kutoweka kwa Kada wa chadema Mdude Nyangawa.

"Ni kweli kuwa mtu huyu hakuonekana, lakini unaposema ametekwa maana yake wewe unajua, kwa kuwa Mheshimiwa Msigwa amelithibitishia Bunge kuwa ametekwa bila shaka yeye ana taarifa hizi hivyo naelekeza Polisi wamtafute Mhe. Msigwa ili aisaidie Polisi" amesema Naibu Waziri Hamad Masauni

Mdude anadaiwa kuchukuliwa na watu wasiojulikana kwenye ofisi yake Mbozi, mkoani Songwe juzi, Mei 4, 2019 wakiwa na silaha za moto.