Korea kusini imeamua kusitisha makubaliano ya kubadilishana taarifa za kijasusi na Japan ambayo kimsingi yalianzishwa ili kubadilishana taarifa juu ya shughuli za uzalishaji wa nyuklia na makombora ya Korea kaskazini.

Mahusiano baina ya nchi hizo mbili yalianza kuharibika Oktoba mwaka jana wakati mahakama kuu ya Korea kusini ilipoyaamuru makampuni ya Japan kulipa fidia watu ambao ni wahanga wa kufanyishwa kazi kwa nguvu wakati wa utawala wa kikoloni wa Japan katika rasi ya Korea kati ya mwaka 1910 na 1945.

Uamuzi huo wa mahakama ulifikia katika mzozo wa kulipizana kisasi kibiashara hali ambayo iliongeza kuporomoka kwa mahusiano hayo. Katika tangazo lake leo la kusitisha makubaliano hayo, ofisi ya rais wa Korea kusini imesema vikwazo vya kibiashara vya hivi karibuni vilivyowekwa na Japan vimeharibu zaidi uaminifu kwa pande hizo mbili.