Msemaji wa timu ya Mbao fc Danson Lioba ametamba kuendelea kufanya vizuri katika ligi kuu tanzania bara ,huku akijinadi kuifunga timu yoyote itakayokatiza mbele yao kwani timu yao mwaka huu haina masihara na imepanga kufanya vizuri zaidi ikiwa na pamoja kushika nafasi tatu za juu

Lioba,amezungumzia siri yao ya kuanza vizuri katika ligi kuu tanzania bara iliyoanza jumamosi iliyopita ambapo Mbao ilIifuga kagera Sugar bao moja kwa sifuri,siri kubwa Ikiwa ni kuwa na kikosi imara chenye wachezaji chipukizi ambao wanajituma na kucheza kwa hali ya juu

"kikosi sasa kimekuwa kizuri na tunategemea kufanya vizuri zaidi na tunataka kuwahakikishia wana mwanza kuwa tutapambana tumekuja kivingine kabisa"alisema Danson Lioba

hata hivyo hakusita kuzungumzia mchezo wao unaofuata dhidi ya Singida United,ambapo aliendelea kutamba kwa kusema mechi hiyo ushindi ni lazima maana kwa sasa inahitaji ushindi tu

"tumejiandaa vyema kabisa na hatuna cha kuacha singida atafungwa tu,sisi tunataka ushindi,timu yoyote itayokatiza sisi tunaifunga tu,iwe simba yanga wote hawa wataacha alama tatu kwetu,kama kagera kafungwa kwanini wasifungwe singida"alisema Lioba

Lioba amesisitiza kuwa katika msimu huu wa Vpl ni lazima washike nafasi tatu za juu,kwani hakuna timu ya kuwasumbua kutokana maandalizi yao na kikosi chao kwa ujumla

Mbao fc sasa iko kwenye maandalizi ya mchezo wao dhidi ya Singida United utakaopigwa septemba mosi katika uwanja wa namfua mkoani Singida.