Siku kadhaa baada ya Msanii wa Hiphop anayeunda kundi la Tamaduni, Zaiid Mchafu kutoa wimbo wake unaoendelea kutamba wa Wowowo amefunguka na kusema mapokezi yake ni makubwa tofauti na alivyotarajia awali

Zaiid ambaye anatamba na wimbo wake huo amesema thamani ya wimbo wa Wowowo ni kubwa kwani pamoja na kuwa nyimbo zake aziangaliwi sana kwenye mtandao wa Youtube lakini watu wamekuwa wakisikiliza kwa wingi kitu kinachompa moyo na kuamini watu wengi wako mitaani kuliko mitandaoni

"kwanza Wowowo niseme imepokelewa vizuri ,pia mimi naamini watu wengi wako mtaani na sio mitandaoni,hata hivyo thamani ya huu wimbo imekuwa kubwa maana imeanza kupendwa hata na wanawake kitu ambacho kikubwa sana kwenye muziki"alisema Zaiid

Pia mkali huyo amesema kwa sasa yuko katika harakati za mwisho kukamilisha video ya Wowowo kwani asilimia 80 mpaka 90 ya kazi ya video hiyo imekamilika

Mara nyingi msanii Zaiid amekuwa na tabia ya kutoa Cover za nyimbo tofauti,lakini siku za karibuni ameonekana kutoa nyimbo zake mwenyewe

"unajua kutoa Cover sio kazi ndogo,nilitoa Cover ya Loose your self nyimbo ya Eminem lakini watanzania wanaona kawaida sana,wakati ni kazi kubwa inafanyika,nikaona bora niache nifanye mziki wangu mwenyewe ili watu wafurahi"alisema makali huyo wa Hiphop

Pia Zaiid amekili kuwa wakati anatoa wimbo wa wowow alitaka kutoa Cover katika wimbo work wa Rihanna lakini akaona kama bado watanzania wataendelea kuchukulia poa na hata hivyo aidia ya Wowowo imetoka kwenye wimbo wa Work wa Rihanna.