Waziri Mwakyembe amewataka Watanzania kiujumla kupenda kazi za wasanii wa filamu za ndani ya nchi ili kuwaunga mkono wasanii wa ndani kwa kazi zao wanazofanya ambazo zinaonyesha uhalisia wa maisha ya Kitanzania.

“Tasnia ya filamu nchini inakua, watanzania tupieni jicho kwenye filamu za bongo kuwaunga mkono vijana wengi wanaotumia tasnia hiyo kuonyesha uhalisia wa maisha mbalimbali yaliyomo ndani ya jamii zinazotuzunguka” Alisema Mhe.Mwakyembe

Wasanii wa filamu nchini wamekuwa wakilalamika kuhusu usambazaji wa kazi zao huku baadhi ya wasambazaji wa kazi hizo wakisema kuwa kumekuwa na changamoto ya soko kutokana na kazi hizo kunyonywa na kuuzwa kwa bei rahisi na maharamia wa kazi za sanaa nchini.