DAR ES SALAAM: Mwimbaji wa nyimbo za injili John lisu pamoja na waimbaji wengine wa nyimbo za injili wanatarajia kupamba tamasha kubwa la uamsho linaloanza kesho september mosi mwaka huu.

Katika mahojiano maalumu Mchungaji kiongozi wa Kanisa la Tanzania Assemblies Of God (victory Christian center) DK. Huruma Nkone amesema wameandaa mkutano wa uamsho unaoshirikisha watu wote bila kujali utofauti wa madhehebu hayo

Akifafananua zaidi alisema mnenaji katika mkutano huo wa uamsho ni mhubiri maarufu hapa nchini Askofu Yona Suleiman kutoka kiomboi mkoani Singida.

Mkutano huo wa uamsho utafanyika katika ukumbi Wa Kanisa la Victory Christian Center Mbezi A mwai kibaki road ambapo usafiri wa kuja Kanisani utatolewa bure kuanzia Mwenge ambapo kwa tegeta na Bunju pia usafiri utakuwepo.

Mkutano huo wa siku mbili yaani tarehe1-2 September 2017 unatarajiwa kuwa wa Baraka ambapo wakazi wengi wa jiji la Dar es Salaam watahubiriwa na kuacha Maovu

Ni Kwa Neema Tu: Waimbaji wengine watakaopamba mkutano huo wa uamsho ni Rivers of Joy International Kwaya ya Kanisa la KLPT Tageta na nyingine nyingi.

DK Nkone ametoa wito kwa wakazi wa jiji la Dar kujitokeza kwa wingi kwani Huduma ya maombi na maombezi itatolewa bure.