LOS ANGELES (AP) : Mwanamuzi na mcheza filamu maarufu nchini Marekani Jennefer lopez(J LO) amekubali kuvishwa pete ya uchumba na mwanaume wake wa muda mrefu kidogo Alex Rodriguez.

Uhusiano wa J Lo na Rodriguez. ambae ni mchezaji wa Mpira wa Baseball ulianza tangu mwaka 2017 na baadae wakaweka hadharani uhusiano wao kupitia cover ya Mbele ya Jarida la Vanity Fair ambapo uhusiano wao waliupa jina la J-Rod

Mwezi Januari mwaka huu Rodriguez aliliambia shirika la habari la AP kuwa wao na Jennefer wanahistoria nzuri huko nyuma na filamu yake ya sasa ya mwanadada huyo “Second Act”inaakisi uhusiano wao mzuri wakiwa pamoja.

Wiki moja iliyopita, wawili hao walisherehekea kutimiza miaka miwili ya uhusiano wao, lakini mwishoni mwa wiki iliyopita Rodriguez aliamua kumvisha pete mrembo huyo mwenye umri wa miaka 49.

Kupitia ukurasa wa Instagram wa nyota huyo wa zamani wa mchezo wa Baseball, alidai amefurahi kuona anakubaliwa kumvisha pete mrembo huyo.

Rodriguez (43) aliposti picha ya mkono wa J. Lo huku akiwa anamvisha pete na kuandika: “Amekubali.”

Hii si mara ya kwanza kwa J. Lo kuvishwa pete ya uchumba, amewahi kufanyiwa hivyo mara sita na wanaume tofauti na aliwahi kufunga ndoa mara tatu