Mwanamuziki wa Bongo Flava Rajab Abdul Kahali kwa jina maarufu Harmonize au Konde Boy ameteuliwa kwa ajili ya KUWANIA tuzo ya mwanamuziki bora wa Afrika katika tuzo za muziki za MTV Ulaya.

Harmonize ambaye amejitoa kwenye label pendwa Afrika mashariki WCB Wasafi anakabiliwa na ushindani kutoka kwa wanamuziki wa Afrika Kusini Nasty C na Prince Kabyee, Toofan, na Burnaboy.

" Mfalme Kijana wa Muziki Afrika Mashariki , #KondeBoy @harmonize_tz ameteuliwa kwa tuzo kitengo cha mwanamuziki bora wa Afrika 2019 MTV EUROPEAN MUSIC AWARDS," uliandikwa ujumbe wa MTV Africa kupitia mtandao wake wa kijamii wa Twitter.

Uteuzi huu unamfanya Harmonize kuwa ndiye msanii wa muziki wa Afrika Mashariki kuwahi kuteuliwa kutoka Afrika Mashasriki na kati.

Iwapo atashinda tuzo hiyo atajiunga na sasa na muajili wake wa zamani katika WCB Diamond Platnumz na AliKiba ambao waliwahi kushinda tuzo hiyo kwa miaka miwili wakifuatana.

Mshindi wa tuzo ya Muziki wa Afrika anapata fursa ya kuendelea katika ngazi ya kimataifa na kushiriki katika kitengo cha muziki wa Asia dhidi ya Muziki wa Afrika

Shindano hilo litafanyika Novemba 3 mjini Seville, Uhispani huku mchakato wa kupiga kura ukiwa sasa wazi.

Ariana Grande anaongoza katika orodha ya wanamuziki walioteuliwa akiwa na kura nne, kutoka kwa Mkuu wa Shawn Mendes, Billie Eilish na Lil Nas X wakiwa na uteuzi sita kila mmoja . Lizzo na Taylor Swift kwa pamoja waliteuliwa kwa kura nne.