Marekani: Kituo kikubwa na maarufu Duniani katika nyanja ya burudani hususani muziki na filamu kwa watu weusi, Black Entertainment television ( BET) wametoa orodha ya wasanii ambao watakao wania tuzo Katika vipengele mbalilmbali, wakiwemo wamarekani na mataifa mengine pamoja na afrika. Msanii Beyonce anaongoza kutajwa kwenye vipengere saba, akifuatiwa na Bruno mars vipengere vitano. Tuzo yenye msukumo na muamko wa kipekee hapa afrika ni ile ya mtumbuizaji bora kimataifa kutoka afrika, ambayo kwa sasa imetawaliwa na wasanii kutoka Nigeria na Afrika kusini . Wasanii hao ni Tekno, Wizkid, davido, stonebwoy, AKA, mr eazi, babes wodumo na nasty c.

Tuzo hii ilichukuliwa mapema mwaka jana na msanii kutoka afrika ya kusini, Black coffee, ambaye kwa sasa hajatajwa kuwania.Msanii kutoka ghana Stonebwoy, ambaye ni mshidi wa tuzo hiyo kwa mwaka 2015 ameingia tena kwa mara nyingine. kwa nchi za afrika mashariki,Huenda tuzo hii ikose hamasa na ushabiki kwa ukanda huu kutokana na kutojumuisha msanii wa upande huu.

Katika kipengele cha msanii wa kimataifa na chaguo la Watazamaji, Tanzania itawakilishwa na msanii mwenye uwezo wa kipekee kutoka kundi la WCB, Rayvanny, chini ya msanii Diamond platnumz. Mmsanii huyu atawania tuzo hii pamoja na wengine kutoka uingereza, afrika ya kusini na nchi nyingine.