Kikosi cha Majimaji inatarajiwa kushuka uwanjani leo Ijumaa hii kukipiga dhidi ya Azam FC na ikiwa itapoteza mchezo ho basi itakuwa kwenye hatari kubwa ya kushuka daraja.

Majimaji ambayo tayari imecheza mechi 27 za Ligi Kuu Bara msimu huu, itakuwa mgeni wa Azam katika mchezo wa ligi hiyo utakaopigwa kwenye Uwanja wa Azam Complex jijini Dar.

Kocha wa Majimaji, Habibu Kondo, amesema wao wapo tayari kwa vita na hawpao tayari kupoteza pointi hata moja.“Tunafahamu kwamba mechi za ugenini zinakuwa ngumu, lakini tutapambana kuhakikisha tunaibuka na ushindi,” alisema.