MOSCOW: Mshambuliaji wa Timu ya taifa ya Ubelgiji Romelu Lukaku sasa ana mabao manne katika Kombe la Dunia baaada ya kutupia mawili dhidi ya Tunisia, ambayo ni sawa na Cristiano Ronaldo wa Ureno katika kinyang'anyiro cha kushinda Kiatu cha Dhahabu.

hazard alikuwa amemkosoa mchezaji huyo mwenzake, waliyecheza pamoja Chelsea wakati mmoja, kwa kutoweka wakati wa kipindi cha kwanza mechi dhidi ya Panama.

Lakini leo alitamba mechi yote hadi alipoondolewa uwanjani na nafasi yake akaingia Marouane Fellaini dakika ya 59.

Alionekana kuumia kidogo lakini anatarajiwa kurejea mechi dhidi ya England ambayo huenda ikaamua nani atamaliza kileleni kundi hilo.

Baada ya mechi ya leo, Hazard amemsifu sana.

"Tumeshinda mechi hii, kwa hivyo tuna furaha sana,"

"Tulicheza vyema na kufunga mabao matano. Tumefungwa mawili, lakini tunaweza kujiimarisha. Hata hivyo, sasa tuna siku nne za kupumzika na kisha tucheze na England kushindania atakayemaliza kileleni kwenye kundi.

"Ni rahisi sana kucheza na Lukaku, unampa mpira na anafunga kila wakati. Alicheza vizuri sana."

Romelu Lukaku na Eden Hazard walifunga mabao mawili kila mmoja na kuimarisha uongozi wa Ubelgiji dhidi ya England katika Kundi G kwa ushindi wa 5-2 dhidi ya Tunisia Jumamosi ya jana.

Kundi hilo linalowajumuisha pia Panama ambao watakutana na England Nizhny Novgorod Jumapil ya leo.