Taarifa kutoka shirikisho la kandanda la Misri EFA zinasema kuwa mshambuliaji wa Liverpool Mohamed Salah yuko hali nzuri kwasasa kuweza kuwa katika first eleven ya kikosi cha Misri kitakachokutana na Urusi kwenye mechi za makundi Jumanne ya kesho.

Salah, 25, hakucheza wakati nchi yake ilishindwa kwa mabao 1-0 na Urusi wakati wa mechi yao ya kwanza iliyochezwa Alhamisi.

Alijeruhiwa kwenye bega akiichezea Liverpool wakati wa fainali ya klabu bingwa barani Ulaya iliyochezwa tareje 26 Mei.

Bila ya kuwepo Salah, ambaye aliifungia Liverpool mabao 44 msimu huu, Misri ilikosa kiungo muhimu.

Baada ya mechi, kocha wa Misri Hectore Cuper alisema; Mo Salah ni muhimu sana kwetu, hakuna mtu atakataa hilo, lakini ni lazima tuwe na timu nzuri, na tuna timu nzuri.

"Labda kama Mo angekuwa uwanjani leo, matokeo yangekuwa mengine. lakini hatujui hilo.

"Tulitaka kuzuia hatari yoyote katika mechi hii, lakini nafikiri tutakuwa sawa wakati wa mechi ijayo."

EFA pia ilisema kuwa kiungo wa kati Tarek Hamed atakuwa salama kucheza dhidi ya Urusi huko St Petersburg baada ya kuondoka uwanjani wakati wa mechi dhidi ya Uruguay.