Uhispania: Timu ya Barcelona imeendeleza rekodi yake ya kutokupoteza mchezo kwa msimu huu wa mwaka 2017/2018 katika ligi ya la liga ambapo jana May 6 ulipigwa Mchezo wa pili wa El Clasico kati ya mahasimu Fc Barcelona na Real Madrid kwa msimu wa La Liga wa 2017/2018 uliopigwa katika uwanja wa Camp Nou ambapo ulimalizika kwa sare ya kufungana magoli 2-2.

Mchezo uliopita Barcelona walisafiri mpaka Katika viwanja vya Bernabeu ambapo Madrid ilipokea kichapo cha mabao 3 - 0 kutoka kwa Barca

Sare hiyo imewafanya Barcelona kucheza michezo wa 35 bila kupoteza mchezo wakiwa na Pointi 87

Mshambuliaji wa Barcelona Luis Suarez, ndio alianza kuipatia timu yake goli la kuongoza katika dakika ya kumi, ya mchezo, iliwachukua dakika nne kwa Madrid kusawazisha goli hilo kupitia kwa nyota wake Cristiano Ronaldo.

katika dakika ya 52, mshambuliaji Lionel Messi, aliipatia klabu yake goli la pili baada ya kuihada ngome ya ulinzi ya Real Madrid, Nyota toka Wales, Gareth Bale, alifunga goli la kusawazisha katika dakika ya 72 ya mchezo.

Barcelona walicheza pungufu ya mchezaji mmoja katika mchezo huo baada ya Sergi Roberto, kutolewa kwa kadi nyekundu, na klabu hiyo imendeleza rekodi yake nzuri ya kutopoteza mchezo hata mmoja katika msimu huu.