DODOMA: Jeshi la Polisi Mkoani Dodoma linawashikilia watu saba kwa tuhuma mbalimbali ikiwemo kukutwa na nyara za serikali miongoni mwa waliokamatwa yumo aliyemuua mkewe ambaye alikuwa Mhadhiri wa chuo kikuu cha Dodoma,Rose Mdenye.

Pia msanii maarufu wa nyimbo za bongo fleva Rashid Abdalahal maarufu CHID BENZ ambaye amekutwa na gramu 5 za bhangi.

Akizungumza na waandishi wa habari hii leo jijini Dodoma,Kamanda wa Polisi wa Mkoa wa Dodoma,GILLES MUROTO amesema kuwa Jeshi hilo limekuwa likiendesha oparesheni mbalimbali katika kukabiliana na uhalifu mkoani humo na hivyo kufanikiwa kuwakama watuhumiwa hao.

Aidha amebainisha kuwa walimkamata MARTIN GWILA ambaye ni askofu na mwanzilishi wa kanisa la AGAPE Sanctuary International lenye makao makuu yake makuu Arusha ambapo amesema kuwa askofu huyo amekuwa akijihusisha na utapeli kwa nyakati tofauti kudanganya atawapa watu ajira na kuwatoza fedha

Sambamba na hayo,Kamanda MUROTO ametoa wito kwa Wamiliki wa Nyumba za kulala wageni kutowaficha wahalifu kwani ni kosa kisheria na badala yake wawaripoti polisi.

Kwa upande wake Afisa Mkuu wa Wanyamapori Mkoa wa Dodoma SILVANUSIOKUDO ametoa wito kwa wakazi wa Dodoma kuhakikisha wanawafichua wanaohujumu maliasili za nchi.

Hata hivyo uchunguzi dhidhi ya watuhumiwa hao unaendelea na mara utakapokamilika watafikishwa Mahakamani.