Mshambuliaji wa Ureno Cristiano Ronaldo atakuwa akipokea kitita cha takriban £73,000 kwa siku huku mkataba wake alio Usaini na Juve wa miaka minne ukiwa na thamani ya £26m kwa mwaka.

Mchezaji huyo mwenye umri wa miaka 33 amejiunga na mabingwa hao wa Itali kutoka Real madrid kwa dau la £99.2m.

wachambuzi wanasemaje

Mkufunzi wa zamani wa Real Madrid Fabio Capello anasema kuwa hatua ya Ronald kujiunga na Juventus ni ya kijanja. Raia huyo wa Itali sasa anatarajia kwamba mshambuliaji wa Juventus na Argentina Gonzalo Higuain, 30, ataelekea Chelsea.

Mshambuliaji wa Chelsea Eden Hazard, 27, anapigiwa upatu na wachanganuzi wa soka kuchukua mahala pake Ronaldo katika klabu ya Real Madrid - na raia huyo wa Ubelgiji ataondoka Stamford Bridge iwapo Chelsea haitaonyesha ari ya kutaka kununua wachezaji wapya

Hatua hiyo ya Ronaldo itaiwezesha Juventus kuuza wachezaji ili kuafikia sheria za Fifa - na kiungo wa kati wa Itali Stefano Sturaro, 25, amevutia klabu za Newcastle na Wolves.