LICHA ya kutoka kwenye familia tajiri, mtoto wa kike pekee wa Rais wa Kenya, Uhuru Kenyatta, Ngina Kenyatta ameamua kuuweka pembeni umaarufu wake na kujiingiza kwenye shughuli za ujasiriamali kwa kufungua mgahawa wake Binafsi.

Ngina amefungua mgahawa huo wikiendi iliyopita katika mashamba ya chai yanayomilikiwa na familia yake yaliyopo kaunti ya Kiambu,tofauti na Shilole aliyeamua kufungua Mjini.

Mkurugenzi wa Ukumbi wa Mikutano wa Kimataifa wa Kenyatta (KICC), Nana Gecaga ambaye pia ni binamu yake na Ngina Kenyatta amethibitisha taarifa hizo kupitia ukurasa wake wa Instagram.

Mgahawa huo wa kisasa utakuwa na huduma za vyakula vya aina zote, vinywaji (Juisi na mvinyo) na pia kutakuwa na watoa elimu kwa watu ambao watahitaji kutembezwa kwenye mashamba yao chai.

Hatua kama hii sio ngeni nchini Tanzania ambapo mwaka jana tulishudia msanii maarufu wa muziki wa Bongo Fleva, Shilole akifungua mgahawa wake .