Dar es salaam: Mkurugenzi wa Habari na Mawasiliano wa wekundu wa msimbazi Simba SC, Haji Manara ameoneshwa kukoshwa na nyota wa Yanga Ibrahim Ajib kuwa ni mchezaji bora na mwenye kipaji kilichokuwa kizuri zaidi nchini huku akiwataka mashabiki wa Yanga kuacha kumtolea maneno ya fedheha mchezaji huyo.

Manara ametoa ushauri mzito kwa Ibrahim Ajib kuwa endapo ataona mambo yamezidi kuwa magumu huko alipo sasa basi asisite kurudi Simba SC kwa kuwa alivyoondoka hakuua mtu yeyote aliondoka kwa amani na upendo juu yake.

Akitoa kauli hiyo leo Mei 05, 2018 kupitia ukurasa wake wa Instagram baada ya kuwepo taharuki kubwa kwa mashabiki wa soka hasa ya wa Yanga kuvurugwa akili zao juu ya kitendo cha mchezaji huyo pamoja na wenzake watatu kutoweza kuungana na kikosi kilichosafiri juzi kuelekea nchini Algeria licha ya uongozi wa Yanga kutoa sababu zenye umuhimu wa kutoshiriki wachezaji hao.

"Ni kukosa heshima kuliko pitiliza, ni kukosa shukrani na heshima kuna kofaa kukemewa na wadau wote. Kwangu mimi Ajibu ni kipaji maridhawa zaidi nchini kilicho hai hakuna gundu wala nundu", amesema Manara.

amesema "yeye alipe mishahara ya wachezaji? atengeneze morali kwenye timu? kafunga magoli mangapi msimu huu? 'assist' alizofanya hamkuziona ?. Pole dogo ila hao ndio 'gongowazi' bro".