Washington: Mamia kwa maelfu ya watu waendelea kuandamana katika miji nchini Marekani na katika viwanja vya ndege jana kuelezea kuchukizwa kwao kuhusiana na amri za kiutendaji zinazochukuliwa na rais Donald Trump kuzuwia kuingia nchini humo kwa wasafiri wanaotoka katika mataifa saba yenye waislamu wengi. Mjini New York, Washington na Boston,

Wimbi la pili la waandamanaji lilifuatia maandamano ya papo kwa papo yaliyozuka katika viwanja vya ndege nchini Marekani siku ya Jumamosi wakati wafanyakazi wa ulinzi wa mipakani walipoanza kutekeleza amri ya Trump.

Maandamano hayo yalisambaa katika majimbo ya magharibi kwa siku nzima jana. Seneta kutoka chama cha Democratic Charles Schumer kutoka mjini New York aliliambia kundi la waandamanaji kwamba amri ya Trump ni kinyume na maadili ya Marekani na inakwenda kinyume na maadili ya msingi ya nchi hiyo.